काभ्रे,
तेमाल गाउँपालिका वडा नं ८ भोर्ज्याङमा अवस्थित श्री जनज्योति माध्यमिक विद्यालयले श्री पञ्चमी अर्थात सरस्वती पूजा विशेष कार्यक्रम गरि धुमधामसँग मनाएको छ । उक्त कार्यक्रममा समाजसेवी तथा शिक्षाप्रेमी अनिश तामाङको नेतृत्वमा विद्यालयलाई सरस्वतीको मूर्ति हस्तान्तरण गरीएको छ । यस पवित्र कार्यमा मञ्जन सिँ तामाङ ( राज लामा ) र भिम लामा साथै ललन सिँ लामाको विशेष सहयोग गरेका छन् । कार्यक्रम तेमाल गाउँपालिका वडा नं ८ को अध्यक्ष तेमाल सिं लामाको प्रमुख आतिथ्यतामा सम्पन्न भएको थियो भने विद्यालय व्यवस्थापन समिति सदस्य मन्दविर तामाङ र जनप्रतिनिधि औलत सिं तामाङ विशिष्ट अतिथिको रुपमा रहनु भएको थियो ।
कार्यक्रमको सभापतित्व शिक्षक अभिभाबक सङ्घका अध्यक्ष धन सिं तामाङले गर्नुभएको थियो । शिक्षक अभिभावक सङ्घका अध्यक्ष धन सिं तामाङले अनिश तामाङजस्तो सहयोगी मन र समाजसेवी सन्तान पाएकोमा मातापिता सोमामाया तामाङ र कालु तामाङले गर्व गर्नुपर्ने बताउनुभयो । आफू अध्ययन गरेको विद्यालयलाई आफूले सहयोग गर्न पाएकोमा आफूलाई अत्यन्तै खुसी लागेको र भावी दिनमा पनि आफ्नो गाउँ, समाज र विद्यालयलाई आफूले सक्ने सहयोग गर्ने उहाँको भनाई छ ।
