भदौ ३१,
२०७७,काभ्रे/

कोरोना भाइरस संक्रमित भक्तपुरकी एक गर्भवतीले धुलिखेल अस्पतालमा बच्चा जन्माएकी छिन्।

सोमबार दिउँसो ३ बजे २८ वर्षीय गर्भवतीको शल्यक्रियामार्फत् छोरी जन्माएको अस्पतालका प्रवक्ता डा. सुमनराज ताम्राकारले जानकारी दिए।

संक्रमित गर्भवतीलाई आइतबार प्रसूति कक्षमा भर्ना गरिएकोमा सोमबार कोरोना पुष्टि भएको थियो।

डा. रश्मी बस्टाकोटी, डा. अस्मिता, डा. सन्जिव, नर्स समिता भण्डारी लगायतको टिमले उनको सफल शल्यक्रिया गरेको डा. ताम्राकारले बताए।

‘बच्चा र आमा दुवैको अवस्था सामान्य छ। योसँगै अस्पतालको शल्यक्रियामार्फत् पहिलो प्रसूति सफल भएको छ,’ उनले भने।

यसअघि भदौ १७ गते धुलिखेल अस्पतालमा कोरोनाभाइरस संक्रमित ३४ वर्षीया गर्भवतीको नर्मल डेलिभरी भएको थियो। सेतोपाटीबाट

Facebook Comments Box