काभ्रे,रेडियो रोशी,
११४ औं अन्तराष्ट्रिय महिला दिवसको पूर्बसन्ध्यामा रोशी गाउँपालिकामा महिला हक अधिकार सम्बन्धी शुभकामना आदानप्रदान तथा अन्तरक्रिया कार्यक्रम सम्पन्न भएको छ । ‘महिलामा लगानीः सभ्य र समुन्नत समाजको थालनी’ भन्ने मुल नाराको साथ आज बाग्मति प्रदेश सभा सदस्य रुकु चौलागाईको प्रमुख आतिथ्यता ,गाउँपालिका अध्यक्ष दिनेस लामाको विशेस आतिथ्यता एवं उपाध्यक्ष मिम बहादुर वाईबा (ज्वाला) को अध्यक्षतामा शुभकामना आदानप्रदान तथा अन्तरक्रिया गरीएको हो । गाउँपालिकाको महिला बालबालिका तथा जेष्ठ नागरिक शाखाको आयोजनामा गाउँपालिकाको सभाहलमा शुभकामना आदानप्रदान तथा अन्तरक्रिया गरीएको हो । कार्यक्रममा बाग्मति प्रदेश सभा सदस्य रुकु चौलागाईले महिला हक अधिकार र कानुनी प्रावधानका बारेमा जानकारी दिनुभएको थियो ।
कार्यक्रममा बोल्दै गाउँपालिका अध्यक्ष दिनेस लामाले हिंसा कसैले पनि नसहु र आफुले पनि कसैलाई हिसां नगर्न आग्रह गर्नुभएको छ । उँहाले अधिकारका नाममा आफैले कसैलाई अन्याय त गरैका छैनौ सुरूमा आफैमा परिवर्तन गर्न आवस्यक रहेको बताउँनुहुदै सत्यमाथि लड्ने प्रेरणा महिलाहरूलाई सधैं मिलोस भन्दै महिला दिवसको सबैमा शुभकामना व्यक्त गर्नुभएको छ ।
कार्यक्रममा बिभिन्न वडाका वडा अध्यक्ष तथा सदस्यहरु, कार्यपालिका सदस्यहरु लगायत महिला कर्मचारीहरुको सहभागिता रहेका गाउपालिकाको महिला बालबालिका तथा जेष्ठ नागरिक शाखाका फोकल पर्सन रन्जना चौलागाईले जानकारी दिनुभयो ।
