काभ्रे,
राष्ट्रपति रामचन्द्र पौैडेलले मण्डनदेउपुर नगरपालिकाको ७ औं स्थापना दिवस तथा नव–निर्मित प्रशासकीय भवन उद्घाटन गर्नुभएको छ । १६ करोड १९ लाख ७९ हजारको लागतमा तयार भएको भवनको लागि संघीय समपुरकबाट १ करोड ८० लाख रुपैयाँ, जिल्ला समन्वय समिति काभ्रेपाञ्चोकबाट २ करोड रुपैयाँ, संघीय अनुदानबाट २ करोड ४० लाख रुपैयाँ तथा बाँकी रकम नगरपालिबाट स्रोत साझेदारी गरी बजेट ब्यवस्थापन गरिएको थियोे ।
लिफ्टसहितको भवनमा साना–ठूला गरी ६२ वटा कोठा छन् । २ वटा हल, अपांगमैत्री, लैंगिकमैत्री शौचालय निर्माण गरिएका छन् । २०८० असोज ३ गतेदेखि नै नगरपालिकाले सोही भवनबाट सेवा दिदै आएको छ । नगरपालिका परिसरमा नै निर्माण गरिएको हेलिप्याड उद्धघाटनका साथै नगरपालिकाको लोगो अनावरण गरिएको थियो ।
यसैबिच,
राष्ट्रपति रामचन्द्र पौडेल पनौती–११, बल्थलीस्थित लड्केश्वर धाममा जारी राष्ट्रिय कोटी होम २०८० मा सहभागी भएर पूजा अर्चना गर्नुका साथै फूलप्रसाद ग्रहण गर्नुभएको छ । मण्डनदेउपुर नगरपालिकाको प्रशासनिक भवन उद्धघाटन गर्न काभ्रेका आएका राष्ट्रपति पौडेल त्यसपछि कोटी होममा सहभागी हुँनुभएको हो । सचिवालयका सदस्यसहित आएका राष्ट्रपति पौडेलले केही बेर कोटी होमस्थलमा विताउनुभएको थियो ।
