काभ्रे,
मन्दिर निर्माको लागि आर्थिक सहयोग जुटाउन नमोबुद्ध नगरपालिका वडा नं. ६ चरंगेफेदीमा शिवपुराण धान्याञ्चल ज्ञान महायज्ञ लगाएको छ । कैलाशेश्वर महादेव मन्दिर निर्माण उपभोक्ता समितिको आयोजनामा पितृ मोक्ष एवं निर्माण शुभारम्भ भएको श्री कैलाशेश्वर महादेव मन्दिर निर्माणार्थ फागुन २५ गतेबाट यज्ञ शुरु भएको हो । यज्ञ ११ दिनसम्म अर्थात चैत्र ६ गतेसम्म सञ्चालन हुने आयोजकले जनाएका छन् ।
महायज्ञमा उप–वाचक अच्युत त्रिपाटीको संयोजकत्वमा प्रमुख वाचक रमेश पौडेलसहित ११ जनाको प्रवचक टिम रहेका छन् । धुवाँकोट डाँडामा प्राचिन कैलाशेश्वर महादेवको मन्दिर रहेको छ । यो मन्दिर धेरै पुरानो मन्दिर भएपनि हालसम्म भौतिक संरचना भने निर्माण हुन सकेको छैन् ।
अहिले सोही मन्दिरको भौतिक संरचना निर्माणका लागि आर्थिक सहयोग जुटाउनको लागि यज्ञ गरेको आयोजक बिदुर प्रसाद न्यौपानेले जानकारी दिनुभयो । सो मन्दिर निर्माणको लागि उँहाले ६ आना २ पैसा २ दाम जग्गा दान गर्नुभएको छ । मन्दिर निर्माणको लागि डिपिआरसहित करिब २ करोड जति आर्थिक आवश्यक पर्ने उँहाको भनाई छ ।
