काभ्रे,
चीनको बेइजिङ र संघाईलाई पछि पार्दै भारतको मुम्बई एसियाकै सबैभन्दा धेरै अर्बपति भएको सहर बनेको छ । हुरुन अध्ययन संस्थानको रिपोर्टलाई उल्लेख गर्दै सीएनबीसीले चीनको बेइजिङ र संघाईलाई पछि पारेर मुम्बई सबैभन्दा धेरै अर्बपति भएको सहर बनेको जनाएको हो । भारतको कुनै पनि सहर एसियाका सबैभन्दा धेरै अर्बपति भएको सहर बनेको यो पहिलो पटक हो । हुरुनका अनुसार मुम्बईमा ९२ जना अर्बपति रहेका छन् ।
बेईजिङमा ९१ जना र संघाईमा ८७ जना रहेका छन् । २०२४ को विश्वकै धनी सहरको सूचीमा भने अमेरिकाको न्यूयोर्क छ, जहाँ १ सय १९ जना अर्बपति रहेका छन् । ९७ जना अर्बपतिहरु सहित लन्डन दोस्रो स्थानमा छ । भारत २ सय ७१ जना अर्बपतिसहित तेस्रो स्थानमा छ । अहिले विश्वभर ३ हजार २ सय ७९ जना अर्बपति छन् । अर्बपति भनेर १ अर्ब डलर अर्थात १ खर्ब ३२ अर्ब नेपाली रुपैयाँ हुने व्यक्तिलाई चिनिन्छ ।
