कात्तिक ७,
२०७७,काभ्रे/

धुलिखेल अस्पतालले कात्तिक ३ गते कोभिड–१९ बिरामीको उपचारमा शुल्क लाग्ने सूचना जारी गरेपछि निकै आलोचना खेप्नु प¥यो । अस्पतालले सामान्य, मध्यम र जटिल बिरामीका लागि छुट्टा छुटै मूल्य तोकेर धरौटी माग गरेपछि अस्पताल प्रशासनको बिरोध भएको थियो । राष्ट्रिय मिडिया देखी सामाजिक सञ्जाल सम्म धुलिखेल अस्पतालको बिरोध भएपछि अस्पतालले अन्तत पुनः आज (बुधबार) साँझ सूचना प्रकाशित गरेर नेपाल सरकारले तोके अनुसारको सेवा दिन तयार रहेको जनाएको छ ।

अस्पतालले कोरोना सङक्रमितको उपचार शुल्कमा नेपाल सरकारले तोके अनुसारको आर्थिक रुपमा विपन्न, अशक्त तथा असहाय अवस्थामा रहेका नागरिक, असहाय एकल महिला, अति अपांगता भएका नागरिक, जेष्ठ नागरिक, अग्रपंक्तिमा खटिने जोखिम क्षेत्रमा कार्यरत कर्मचारीहरुको उपचार भने निःशुल्क हुने स्पष्ट पारेको छ ।

त्यस्तै नेपाल सरकारको निर्णयानुसार कोरोना सङक्रमित बिरामीको आफ्नो उपचारको शुल्क स्वयंले व्यर्होनु पर्ने निर्देशनलाई जानकारी गराउन र उपचारमा आउने बिरामीहरुमा भ्रम नरहोस् भन्ने उद्धेश्यले उक्त सूचना प्रकाशन गरिएको जनाएको छ । कोरोना सङक्रमित बिरामीको पनि नेपाल सरकारको निर्णयानुसार अन्य बिरामी सरह सशुल्क गर्नुपर्ने भएकाले धरौटी व्यवस्था गरिएको अस्पतालले स्पष्ट पारेको छ ।

अस्पतालले अन्य बिरामीहरुको उपचारका लागि समेत केही रकम धरौटी राख्नुपर्ने प्रावधान रहेको र धरौटी राख्न नसकेको कारण कुनै पनि बिरामी उपचारबाट बञ्चित नभएको जनाउँदै सोही प्रावधान अनुरुप नै कोरोना सङक्रमित बिरामीहरुको समेत प्रबन्ध मिलाईएकोमा धरौटी रकमलाई केही सामाजिक सञ्जालले शुल्कको रुपमा व्याख्या गरिएको प्रति ध्यानकर्षण भएको जनाएको छ ।

अस्पतालले काभ्रेपलाञ्चोक, भक्तपुर, सिन्धुपलाञ्चोक, सिन्धुली, रामेछाप, दोलखा तथा अन्य विभिन्न जिल्लाहरुबाट तथा धुलिखेल अस्पतालमा संकलन गरिएको जम्मा १० हजार ८३३ जना र राष्ट्रिय जनस्वास्थ्य प्रयोगशालाबाट प्राप्त ११ हजार ३३० गरी २२ हजार १६३ जनाको नमुना पीसीआर परीक्षण निःशुल्क गरेको जनाएको छ । त्यस्तै सामन्य लक्षण भएका २७४ र जटिल लक्षण सहित आइसियू मार्फत २७ जनाको उपचार निःशुल्क गरेको सूचनामा उल्लेख छ ।
अस्पतालले केभिड–१९ को उपचारका लागि छुटै भवनमा १५ वेडको आइसियू सहित एक सय बेडको प्रबन्ध गरी सेवा सञ्चालन गर्दै आएको जनाउँदै नेपाल सरकारको सहयोगमा निकट भविष्यमा २५ वेडको आइसियू, ५० वेडको एचडीयू र ५० वेडको जनरल वार्ड व्यवस्था गर्न लागेको जनाएको छ ।

Facebook Comments