काभ्रे,
रोशी गाउँपालिका वडा नं २ नारायणस्थानमा सञ्चालन भएको एक दिने निःशुल्क आयुर्वेदिक स्वास्थ्य शिविरबाट १ सय ३५ जना भन्दा बढिले स्वास्थ्य सेवा पाएका छन् । रोशीको वडा न १, २ र ३ लाई लक्षित गर्दै वडा नं २ को लक्ष्मीनारायण माध्यामिक विद्यालयको प्राङ्गणमा सञ्चालन भएको निःशुल्क शिविरबाट १ सय ३५ जवना भन्दा बढिले स्वास्थ्य सेवा पाएका हुन् । आज एक दिने शिविरको रोशी गाउँपालिकाका अध्यक्ष दिनेश लामा र उपाध्यक्ष मिम बहादुर वाइबाले शिविरको संयुक्त उद्घाटन गरेका थिए । रोशी गाउँपालिकाको आयोजनामा आयुर्वेद तथा वैकल्पिक चिकित्सालय काभ्रेको प्राविधिक सहयोगमा शिविर सम्पन्न भएको हो ।
आयुर्वेद तथा वैकल्पिक चिकित्सालय काभ्रेका प्रमुख डा. वशंवदा कौण्डिन्यायनीको नेतृत्वमा पतन्जली आयुर्वेदिक अस्पताल धुलिखेलका डा. चन्द्रकिशोर यादव, रूमा झा लगायतले बिरामीको स्वास्थ्य परीक्षण गरेका थिए ।
शिविर उद्घाटन गर्दै अध्यक्ष लामाले बिकास निर्माणको काम गर्न मानिस स्वस्थ हुनुपर्ने बताउनुभएको छ । त्यसैकारण गाउँपालिकाले स्वास्थ्य क्षेत्रलाई पहिलो प्राथमिकतामा राखेर अगाडि बढेको उँहाको भनाई छ ।
त्यसैगरी गाउँपालिका उपाध्यक्ष मिम बहादुर वाइबाले आधुनिक उपचार पद्धतिबाट मात्र नभई आयुर्वेदिक उपचार पद्धतिबाट पनि विश्वासिलो उपचार हुने बताउनुभयो । आयुर्वेदिक औषधिले नकारात्मक असर नगर्ने भएकाले आयुर्वेदिक उपचार पद्धति पनि अपनाउनु पर्ने उँहाको भनाइ छ ।
शिविरमा बुढ्यौलीमा लाग्ने रोग ढाड, कम्मर घुडा दुख्ने र ग्याष्ट्रीकका बिरामीहरु बढि आएको डा. कौण्डिन्यायनीले बताउनुभयो । शिविरमा गाउँपालिका आयुर्वेद स्वास्थ्य शाखा प्रमुख सविता गौतमको नेतृत्वमा विरामीहरुलाइ औषधि पनि निःशुल्क वितरण गरीएको छ ।
