भुम्लुको थुम्कीडाँडामा सुमो दुर्घटना, १० जना घाईते, ३ जना गम्भीर

काभ्रे,

काभ्रे जिल्लाको भुम्लु गाउँपालिकामा सुमो दुर्घटना हुँदा १० जना घाईते भएका छन् । आज बिहान मादनकुँडारीबाट काठमाडौं तर्फ आउँदै गरेको ना १ ज ६२९१ नम्बरको सुमो भुम्लु गाउँपालिकाको वडा नम्बर ५ मुलाबारी थुम्कीडाँडामा सुमोे दुर्घटना भएको हो ।
दुर्घटनामा सवारी चालक सहित १० जना घाईते भएका छन् । घाईते मध्ये तीन जना महिलाको अवस्था गम्भिर रहेको बताईएको छ । अन्य ७ जनाको अवस्था मध्यम रहेको जनाईएको छ । घाईते सबैलाई उपचारको लागि प्राथामिक स्वास्थ्य केन्द्र कोलाँति पठाएको छ ।
गाडिमा ८ जना महिला र २ जना पुरुष सवार थिए । सुमो आफै अनियन्त्रित भई सडकबाट अन्दाजी ३०÷३५ मिटर तल खसेर दुर्घटना भएको जिल्ला प्रहरी कार्यालय काभ्रेपलाञ्चोकले जनाएको छ ।