काभ्रे,
काठमाडौंको बत्तीसपुतली स्थित कुमारी मार्गमा हिजो राति एक युवकको चक्कु प्रहारबाट हत्या भएको छ । मोरङको शनिश्चरे नगरपालिका–९ स्थायी घर भइ हाल काठमाडौं महानगरपालिका–९ पिंगलास्थन, विजयचोकमा डेरा गरी बस्ने २४ वर्षीय शम्भु धितालको चक्कु प्रहारबाट हत्या भएको हो । हत्यामा संलग्नको आरोपमा चारजना नाबालिग पक्राउ परेका छन् । चारैजना नाबालिगलाई नियन्त्रणमा लिएर हत्याको कारणबारे अनुसन्धान भइरहेको काठमाडौं प्रहरी प्रवक्ता प्रहरी उपरीक्षक (एसपी) सीताराम रिजालले जानकारी दिनुभयो ।
उनीहरुको नाम गोप्य राखिएको प्रवक्ता रिजालको भनाइ छ । प्रहरीले घटनाबारे आजै पत्रकार सम्मेलनमार्फत जानकारी गराउने बताएको छ । हत्या भएका धितालको शव पोष्टमार्टमका लागि टिचिङ अस्पताल महाराजगन्जमा राखिएको छ ।
