काभ्रे,
पार्किङ स्थलबाट बाईक चोरी गर्ने महाभारतका तीन जना युवा पक्राउ गरेका छन् । इलाका प्रहरी कार्यालय बनेपाबाट खटेका सादा पोसाकका प्रहरीले उनीहरुलाई पक्राउ गरेको हो । पक्राउ पर्नेहरुमा महाभारत गाउँपालिका वडा नम्बर ६ का २५ वर्षीय होइसेर थिङ तामाङ, वडा नम्बर ७ का २४ वर्षीय मोहन स्याङतान र सोही वडाका २२ वर्षीय अनिल स्याङ्तान रहेका छन् । बनेपामा बिना हेल्मेट मोटरसाईकल चलाईरहेको अवस्थामा शंका लागेर जाँच गर्दा चाबी नभएको र मोटरसाईकलको तार चुडाएर तार चाबीको ज्याकमा जोडिएको अबस्थामा फेला परेको थियो ।
सोधबुझ गर्दा बनेपा ८ मा रहेको मंगोलियन लञ्ज बारको पार्किङ स्थलबाट चोरी गरी ल्याएको र अन्य ब्यक्तिको समेत संलग्नता रहेको बताएका थिए । त्यसपछि प्रहरीले चोरीको घटनामा अरु दुई जनालाई पनि नियन्त्रणमा लिएको हो ।
