काभ्रे,
बनेपाको चण्डेश्वरी जात्रामा ८ जनाको सुनको सिक्री चोरी भएको भन्दै प्रहरीमा निवेदन परेको छ । गत बुधबार साँझ ११ गते चण्डेश्वरी जात्रामा रथ तान्ने बेला सिक्री चोरी भएको भिडियो शेयर गर्दै इलाका प्रहरी कार्यालय बनेपाले खोजीका लागि सहयोग गर्न सार्वजनिक रुपमा अपिल गरेको छ ।
जात्राको भिडमा सुनको सिक्री दाँतले टोकी चोरी लगेको भिडियो भाईरल भएपछि इलाका प्रहरी कार्यालयमा हालसम्म उक्त जात्राको दिन ८ जनाको सिक्री हराएको भन्दै निवेदन परेको छ ।
अनुसन्धान कार्यमा थप सहयोग हुने हुदाँ रथ तान्दाको अरु भिडियो भए उपलब्ध गराउन समेत इलाका प्रहरी कार्यालय बनेपाले आम सर्वसाधरणसँग अनुरोध गरेको छ । भिडियो हेरेर हुलिया पत्ता लगाउन सक्नेले अनुसन्धानमा निर्वाध सहयोग गर्न सक्ने प्रहरीको भनाई छ ।
