काभ्रे,
काभ्रे जिल्लाको बनेपामा एक दिवसीय बास्केटबल प्रतियोगिता हुने भएको छ । काभ्रे बास्केटबल संघको आयोजनामा जेठ २६ गते ज्ञानकुञ्ज शैक्षिक प्रतिष्ठानको प्रांगणमा प्रतियोगिता सञ्चालन हुने भएको हो । खेलकुदको माध्यमबाट युवाहरुलाई अनुशासित बनाउनुको साथै स्वस्थ शरीर र मस्तिष्कको विकास गर्न र समग्र खेल क्षेत्रको उत्थान गर्ने लक्ष्यका प्रतियोगिता आयोजना गरिएको कार्यक्रम संयोजक शिव थापा मगरले आज पत्रकार सम्मेलनमा बताउनुभयो ।
प्रतियोगितामा देशभरका २० भन्दा बढी टिमको सहभागिता हुने उँहाको भनाई छ । प्रतियोगितामा सहभागी हुन दर्ता शुल्क रु ३००० तोकिएको छ । विजेता टिमलाई नगद २५ हजार र दोस्रो हुने टिमलाई १५ हजार नगदका साथै विभिन्न्न पुरस्कार प्रदान गरिने बताईएको छ । काभ्रे बास्केटबल संघले विगतमा पनि यस्ता प्रतियोगिता गर्दै आएको छ ।
पत्रकार सम्मेलनमा नेपाल बास्केटबल संघका उपाध्यक्ष पवनकुमार थापा, नेपाल पत्रकार महासंघ काभ्रे शाखाका अध्यक्ष बद्रिराज तिमल्सिना लगायतले खेल क्षेत्रमार्फत काभ्रे जिल्लाको पहिचान बनाउनुपर्ने धारणा राखेका छन् ।
