काभ्रे,
नेपाल आदिवासी जनजाति पत्रकार महासंघ (फोनिज) काभ्रेको आयोजना तथा रोशी गाउँपालिकाको सहयोगमा सञ्चालित चारदिने मोबाईल जर्नालिजम (मोजो) तालिम सम्पन्न भएको छ ।
फोनिज काभ्रेको आयोजना, रोशी गाउपालिकाको आर्थिक सहयोग र पब्लिक अफेयर्स रिसर्च एण्ड कम्युनिकेसन्सको प्राबिधिक सहयोगमा आयोजना गरीएको तालिमको हिजो रोशी गाउँपालिकाका अध्यक्ष दिनेश लामाको प्रमुख आतिथ्यता तालिमको समापन गरीएको हो । कार्यक्रममा बोल्दै रोशी गाउपालिका अध्यक्ष दिनेश लामाले नयाँ नयाँ प्रविधिको सहज प्रयोगका लागि तालिम महत्वपुर्ण हुने बताउनुभयो । तालिममा आनन्द कुमार श्रेष्ठ, प्रकाशचन्द्र जिम्बा र अमरदिप श्रेष्ठले प्रशिक्षण दिएका थिए ।
समापन कार्यक्रममा रोशी गाउँपालिकाका उपाध्यक्ष मिमबहादुर वाइवा, फोनिजका केन्द्रिय अध्यक्ष गजुरधन राई, वागमति प्रदेश इन्चार्ज पेमा लामा, प्रदेश अध्यक्ष युवराज श्रेष्ठ,नेपाल पत्रकार महासंघ काभ्रेका अध्यक्ष बद्री तिमल्सिना, निवर्तमान अध्यक्ष मोतिराम तिमल्सिना लगायतको सहभागीता रहेको थियो । तालिममा सहभागिहरुलाई प्रमाणपत्र वितरण गरीएको छ । जेठ १४ गतेदेखि सुरु भएको तालिममा जिल्लाका विभिन्न क्षेत्रका २० जनाको सहभागीता रहेको थियो ।
