काभ्रे,
काभ्रे जिल्लाको बनेपामा अरनिको यातायात र हिमाल–तराई यातायात सेवा प्रालिका कर्मचारीबिच झडप भएको छ । बनेपा तिनदोबाटोमा हिमाल–तराई यातायात सेवा प्रालि र अरनिको यातायात सेवा प्रालिका कर्मचारीहरुबीच प्रहरीकै सामुन्ने कुटाकुट भएको छ । अरनिको यातायातका कर्मचारीहरुले मूल सडकमै बस तेर्स्याएर चक्काजाम गरेपछि विवाद भएको थियो । सोही क्रममा दुई यातायात सेवाका कर्मचारीहरुबीच झडप भएको हो । यातायात खुलाउने प्रयासमा पुगेका ट्राफिक प्रहरीकै सामुन्ने उनीहरुबीच कुटाकुट भएको थियो । अहिले अवस्था सामान्य बनेको छ ।
अरनिको यातायातको सिन्डिकेट भएको भन्दै हिमाल–तराई लगायतका यातायात व्यवसायीले विरोध जनाउँदै आएका छन् । सोही कारण हिजोपनि काठमाडौंमा विवाद भएको थियो । सोही विषयलाई लिएर आज बनेपामा अरनिको यातायातले बीच बाटोमै बस तेर्स्याएर चक्काजाम गर्दा अन्यले विरोध गरेका थिए । सोही क्रममा अरनिको यातायात र हिमाल–तराई यातायात सेवा प्रालिका कर्मचारीबिच झडप भएको जिल्ला प्रहरी कार्यालय काभ्रेका प्रहरी निरीक्षक राजाराम खतिवडाले बताउनुभयो ।
