काभ्रे,
चण्डेश्वरी जात्राको अन्तिम दिन रथको चुकुल प्रहारबाट मारिएका सुविन मानन्धरका आफन्तले जिल्ला अदालत काभ्रे अगाडि प्रदर्शन गरेका छन् । मृतक सुविन मानन्धरका आफन्तले हत्यारालाई आजिवन कैदको माग गर्दै अदालत अगाडि प्रदर्शन गरेका हुन् ।
गत जेठ ११ गते बनेपा नगरपालिका वडा नम्बर ८ स्थित तिनधारामा दुई समूह बिच झगडा हुँदा बनेपा–९ का २४ वर्षीय सुरज खड्गीले प्रहार गरेको रथको चुकुल (दाउरा) ले टाउकोमा लाग्दा सुविन गम्भिर घाईते बनेका थिए ।
सविनको शिरमेमोरियल अस्पताल बनेपामा उपचार हुन नसकेपछि अन्नपुर्ण न्युरो अस्पताल काठमाण्डौँमा लगिएको थियो ।
अन्नपूर्ण अस्पतालमा उपचार गराइरहेका उनको जेठ २६ गते बिहान उपचारको क्रममा मृत्यु भएको थियो ।
