काभ्रे,रेडियो रोशी,
काभ्रे जिल्लाको रोशी गाउँपालिका वडा नम्बर ९ लाई ‘अनिवार्य तथा निःशुल्क आधारभूत शिक्षा’ लागू वडा घोषणा गरिएको छ । आज गाउँपालिकाका अध्यक्ष दिनेस लामाको प्रमुख आतिथ्यता तथा उपाध्यक्ष मिम बहादुर वाईबा (ज्वाला) को बिसेस आतिथ्यतामा ९ नं वडालाई ‘अनिवार्य तथा निःशुल्क आधारभूत शिक्षा’ लागू वडा घोषणा गरिएको हो ।
९२० घरधुरी रहेको ९ नं वडामा ४ देखि १३ बर्षसम्मका ३८८ बालक र ३५३ बालिका गरी जम्मा ७४१ जना बालबालिका रहेका छन् । वडामा रहेका सबै बालबालिका विद्यालय गएको र आधारभूत तहसम्म निःशुल्क शिक्षा प्राप्त गरेको शुनिश्चितता भएपछि वडालाई ‘अनिवार्य तथा निःशुल्क आधारभूत शिक्षा’ लागू वडा घोषणा गरीएको वडा अध्यक्ष जनम तामाङले जानकारी दिनुभयो । वडा भित्र २ वटा मा.वि र ६ वटा प्रा.वि गरेर ८ वटा सामुदायिक बिद्यालयहरु सञ्चालनमा रहेका छन् ।
उक्त घोषणा कार्यक्रममा गाउँपालिकाका अध्यक्ष दिनेस लामा, उपाध्यक्ष मिम बहादुर वाईबा (ज्वाला), प्रमुख प्रसाशकिय अधिकृत राम बहादुर तामाङ, वडा अध्यक्ष जनम तामाङ, नेपाली काँग्रेस एकाई सभापति दामोदर श्रेष्ठ, वडा भित्रका ८ वटा बिद्यालयका बिब्यस अध्यक्षहरु, प्रधान्याध्यापकहरु, अविभावक, राजनीतिक दलका प्रतिनिधि लगायत शिक्षासँग सरोकार राख्ने व्यक्तिहरूको उपस्थितिमा सामुहिक हस्ताक्षर गरिएको छ ।
