काभ्रे,
आज अन्तर्राष्ट्रिय अपाङ्गता दिवस, नेपालमा पनि विभिन्न कार्यक्रम गरी मनाइँदैछ । नेपालमा अपाङ्गता अधिकारको क्षेत्रमा क्रियाशील सङ्घसंस्थाले जनचेतनामूलक कार्यक्रम गर्दैछन् । सन् १९९२ बाट हरेक वर्षको ३ डिसेम्बरका दिन विश्व अपाङ्गता दिवस मनाइन्छ । यो वर्षको दिवसको नारा ‘अपाङ्गता भएका व्यक्तिहरूका लागि र तिनीहरूद्वारा नै सहश्राव्दी विकास लक्ष्य प्राप्त गर्न उद्धार र पैरवीमा एकजुट हौँ’ भन्ने तय गरिएको छ ।
यसैबिच,
राष्ट्रपति रामचन्द्र पौडेलले अपाङ्गता भएका व्यक्तिको जीवनस्तरमा सुधार ल्याउन संवैधानिक र कानुनी व्यवस्थाको प्रभावकारी कार्यान्वयन गर्न अनुरोध गर्नुभएको छ । ३२ औँ अन्तर्राष्ट्रिय अपाङ्गता दिवसका अवसरमा शुभकामना व्यक्त गर्दै राष्ट्रपति पौडेलले नेपालको संविधान, मौलिक हक, अपाङ्गता भएका व्यक्तिको अधिकारसम्बन्धी संयुक्त राष्ट्रसङ्घीय महासन्धि, अपाङ्गता भएका व्यक्तिको अधिकारसम्बन्धी ऐनलगायतको प्रभावकारी कार्यान्वयनबाट मात्रै अपाङ्गता भएका व्यक्तिको जीवनस्तर र जीवनयापनमा सुधार हुनसक्ने उल्लेख गर्नुभएको छ ।
