करोडौँ रुपैयाँ खर्चिएर बनेको सडक सञ्चालन हुँनै नपाई बन्द

काभ्रे,

कर्णाली प्रदेशको राजधानी वीरेन्द्रनगरबाट चिङ्गाड गाउँपालिका हुँदै जाजरकोटको शिवालय जोड्ने सडक राम्ररी सञ्चालन हुँनै नपाई बन्द भएको छ । झण्डै २९ करोड रुपैयाँ खर्च गरेर निर्माण गरिएको सडक ६ वर्ष लगाएर बनाइएको थियो । सुर्खेतको लामा राजेन्द्र एसएनएस जेभीले २८ करोड ८६ लाख ८९ हजार १ सय ५९ रुपैँयामा ठेक्का लिएको यो सडकको निर्माण सम्पन्न भएको भनेर गत असारमै कम्पनीले सबै भुक्तानी लगिसकेको छ । तर, साउनमा बन्द भएको सडक अहिलेसम्म सञ्चालन हुन सकेको छैन । वर्षाले भत्किाएको सडक मर्मतका लागि अहिलेसम्म कुनै निकायले चासो दिएको छैन ।
वीरेन्द्रनगरबाट जाजरकोटको शिवालय पुग्न यो सबैभन्दा छोटो सडक थियो । स्थानीयले चिङ्गाड गाउँपालिकाको कार्यालयमा पटकपटक सडक खुलाउन माग गरेका छन् । तर सुनुवाइ नभएपछि अहिले दैलेख हुँदै बैकल्पिक बाटो प्रयोग गरिरहेका छन् । तर यो सडकको यात्रा निकै जोखिमपूर्ण रहेको चिङ्गाड गाउँपालिका.वडा नम्बर ६ का कृष्णा बहादुर मल्लले बताउनुभयो । करोडौँ रुपैयाँ खर्चिएर बनेको सडक सञ्चालन हुन नपाई बन्द भएको छ । वर्षाैँपछि बनेको सडकबाट सहज यात्रा गर्ने नागरिकको सपना अझै पूरा हुन सकेको छैन ।