काभ्रे,
विपी राजमार्ग अन्तर्गत धुलिखेल नगरपालिकाको वडा नम्बर ९ स्थित काभ्रेभञ्ज्याङमा सवारी चालकको स्वास्थ्य परिक्षण गरीएकोे छ । जिल्ला ट्राफिक प्रहरी कार्यालय काभ्रेले बनेपा हेल्थ केयर प्रा.लि. र रेयूकाई एईको मासुनागा आँखा अस्पताल बुडोलका समन्वयमा १९१ जना चालकहरुको स्वास्थ्य परीक्षण गरेको हो ।
स्वास्थ्य जाँच गरिएका मध्ये ४६ जनामा उच्च रक्तचाप, ६ जनामा मधुमेह र १० जना सवारी चालकहरुमा आँखा सम्बन्धी समस्या देखिएको छ । उनीहरुलाई अस्पताल गएर थप उपचार गर्न सुझाव दिइएको छ ।
सवारी दुर्घटना न्यूनिकरण तथा रोकथामको लागि सवारी साधनका चालकहरुको स्वास्थ्य परीक्षण गरिएको जिल्ला ट्राफिक प्रहरी कार्यालय बनेपाका प्रमुख प्रहरी निरीक्षक विकाश कुमार तामाङले जानकारी दिनुभयो । ट्राफिक प्रहरीले चालक, सह–चालक र यात्रुहरुलाई ट्राफिक नियम तथा दुर्घटना न्यूनिकरण सम्बन्धी प्रशिक्षण समेत दिएका थिए ।
