काभ्रे,रेडियो रोशी,
रोशी गाउँपालिका–१० वाल्टिङका किसानहरुलाई तरकारीकोे बिउ तथा कृषि उपकरणहरु बितरण गरिएको छ । हिजो (बिहिबार) गाउँपालिका अध्यक्ष दिनेस लामाको प्रमुख आतिथ्यता र वडा अध्यक्ष बिकेन तामाङको सभाध्यक्षतामा बाग्मती प्रदेस कृषि मन्त्रालयको योजना अन्तर्गत वाल्टिङका किसानहरुलाई दुध बोक्ने क्यान, तरकारी र घासको बिउबिजन, बिषादी छर्ने पम्प तथा पानी छर्ने झारी वितरण गरीएको हो ।
किसानहरुलाई तरकारीकोे बिउ तथा कृषि उपकरणहरु वितरण गर्दै अध्यक्ष लामाले कृषि कार्यबाट नागरिकहरुको जिबनस्तर उकास्न ठुलो मद्धत पुग्ने बताउनुभयो । आगामी दिनहरुमा पनी गाउँपालिकाले यसप्रकारका कार्यक्रमहरुलाई निरन्तरता दिईरहने बताउनुभयो । वितरण गरीएका सामाग्रिहरुको सहि सदुपयोग गर्न उँहाले किसानहरुलाई आग्रह समेत गर्नुभयो ।
त्यसैगरी वडा अध्यक्ष तामाङले वडावासीको आवस्यकतालाई मध्यनजर गरेर यी सामाग्रिहरु बितरण गरेको बताउनुभयो । आगामि दिनहरुमा पनी वडावासीको जिबनस्तर उकास्न मद्धत पुर्याउउने यस्ता कार्यक्रमहरु गरीरहने बताउनुभयो ।
गाउँपालिकाको भैंसी प्रवर्द्धन कार्यक्रम अन्तर्गत ४६ जना किसानहरुलाई दुध बोक्ने क्यान वितरण गरीएको छ । त्यसैगरी, कृषि प्रवर्द्धन कार्यक्रम अन्तर्गत बिभिन्न ५ प्रकारका २०० किलो तरकारीको बिउ र २०० किलो घाँसका बिउ बितरण गरीएको छ । त्यस्तै वडा भित्र रहेको ३ वटा कृषि समुहहरुलाई १÷१ वटा गरी ३ वटा बिषादी छर्ने पम्प र पानी छर्ने झारी वितरण गरीएको हो । तरकारी संकलनका लागि २÷२ गरेर ६ वटा क्रेट पनी प्रदान गरीएको छ ।
हिजै वडाभित्रका ६ जना किसानहरुको ५० प्रतिसत लागतमा गोठ सुधार गरीएको तथा एउटा गोठलाई ननमुना गोठको रुपमा सुधार गरीएको वडा अध्यक्ष बिकेन तामाङले जानकारी दिनुभयो । कार्यक्रममा वडा सदस्य, कृषि शाखाका कर्मचरीहरु लगायतको सहभागिता रहेको थियो ।
