काभ्रे,
तेमाल गाउँपालिका वडा नम्बर ७ चापाखोरीका टुल्कु लामाको हत्या आरोपमा आफ्नै छोरा र साढुभाई (सालीको श्रीमान) पक्राउ परेका छन् । यही असार ५ गते ६५ वर्षीय टुल्कुको शव घरभन्दा ५० मिटर टाढा अमलाको रुखमा कपडाले बाटेको डोरीको पासो लगाई झुण्डिरहेको अवस्थामा भेटिएको थियो । उनको हत्या आरोपमा मृतक टुल्कु लामाका छोरा मिलन लामा र रोशी गाउँपालिका वडा नम्बर ९ का २६ वर्षीय अर्जुन तामाङ रहेको जिल्ला प्रहरी कार्यालय काभ्रेपलाञ्चोकला जनाएको छ । अर्जुन मृतक टुल्कुका साढुभाई (सालीको श्रीमान) हुन् ।
शवको टाउकोको कन्चट, टाउको पछाडी अन्दाजी ३ ईन्च ठुलो घाउ र शरिरभरि ठुलो ठुलो घाउ चोट हुने गरी प्रत्यक्ष देखिएको थियो । पक्राउ परेका दुबै जनालाई ज्यान सम्बन्धी कसुरमा थप अनुसन्धान भइरहेको जिल्ला प्रहरी कार्यालय काभ्रेका डिएसपी राजकुमार श्रेष्ठले जानकारी दिनुभयो ।
