काभ्रे,
ईडीभी प्रयोजनको लागि नक्कली शैक्षिक प्रमाणपत्र पेस गर्ने ४ जना पक्राउ परेका छन् । प्रहरीले नेपालस्थित अमेरिकन दूतावासमा इलेक्ट्रोनिक डाइभर्सिटी भिसा (ईडीभी) प्रयोजनको लागि एसईई र कक्षा १२ को नक्कली मार्कसिट, एकेडेमिक ट्रान्सक्रिप्सन बनाई पेस गर्ने उनीहरुलाई नियन्त्रणमा लिएको हो ।
पक्राउ पर्नेहरुमा ललितपुर घर भएकी ३२ वर्षीय गोमा पाण्डे, सर्लाही घर भएका २८ वर्षीय अनिल कुमार महतो, झापा घर भएका ५० वर्षीय गोपाल प्रसाद घिमिरे र सङ्खुवासभा घर भएका ४३ वर्षीय सुवास ढकाल छन् । अमेरिकी दूतावाससँगको समन्वयमा काठमाडौं उपत्यका अपराध अनुसन्धान कार्यालयबाट खटिएको टोलीले उनीहरूलाई नेपालस्थित दूतावास नजिकैबाट पक्राउ गरिएको प्रहरीले जनाएको छ । पक्राउ परेका चारै जनालाई लिखत सम्बन्धी कसुरमा आवश्यक कारबाहीका लागि जिल्ला प्रहरी परिसर भद्रकाली पठाइएको छ ।
