फागुन १२,
२०७७,काभ्रे/
जिल्लाको तेमाल गाउँपालिकामा न्यायिक समितिको अनुगमन भएको छ । काभ्रे जिल्ला न्यायाधीश भिस्मराज प्रसाईको संयोजकत्वमा रहेको ४ सदसीय टोली आज गाउँपालिका पुगेको हो ।
टोलीले तेमाल गाउँपालिकामा कसरी न्याय निरुपण भईरहेको छ, न्याय निरुपणमा आईपरेका समस्या, समाधानमा आईपरेका कठिनाई लगायत बिभिन्न पक्षमा अन्तर्क्रिया गरिएको न्यायीक समितिका सदस्य एवं वडा नं ६ का अध्यक्ष बिकु लाल तामाङले जानकारी दिए । यस्तै टोलीले कागजात, न्याय निरुपण बिधि नियम संवत भएको छ छैन, निवेदन आएका ढाँचा लगायतको कागजपत्र हेरेका थिए ।
अन्तर्क्रिया पस्चात जिल्ला न्यायाधीश भिस्मराज प्रसाईले गाउँपालिकामा न्यायिक सकितिले गरेको कामको प्रशंसा गर्दै सुझाब दिएका थिए ।
गाउँपालिकाको न्यायिक समितिमा परेका १९ वटा निवेदन मध्ये अब ५ वटा मात्रै हेर्न बाँकि रहेको छ । कार्यक्रममा तेमाल गाउँपालिकाका अध्यक्ष सलाम सिं तामाङ, उपाध्यक्ष दुर्गा मायाँ तामाङ, प्रमुख प्रशासकिय अधिकृत लक्ष्मण कुँईकेल, न्यायीक समितिका सदस्य एवं वडा नं ६ का अध्यक्ष बिकु लाल तामाङको उपस्थिती रहेको थियो ।
