काभ्रे,
गृहमन्त्री रमेश लेखकले बाढिग्रस्त क्षेत्र रोशी गाउँपालिका अन्तर्गत वीपी राजमार्गको अवलोकन गर्नुभएको छ । हिजो बाढिग्रस्त क्षेत्र रोशी गाउपालिका अन्तर्गत वीपी राजमार्ग अवलोकनका लागि नेपाल सरकारका गृहमन्त्री रमेश लेखक कटुन्जे आएर वीपी राजमार्गको अवलोकन तथा बाढिपिडितहरुसँग भेटघाट गर्नुभएको हो ।
अवलोकनका लागि कटुन्जे आउनुभएका गृहमन्त्री लेखक समक्ष रोशी गाउँपालिकाका अध्यक्ष दिनेश लामाले वीपी राजमार्ग पुनःनिर्माण, बाढिपिडितका लागि राहत र पुनस्थापना तत्काल गर्दिन माग गर्नुुभएको छ ।
दसैं नजिकिएको कारण बाढिपिडितलाइ तत्काल राहत पुर्याउन हेलिकप्टर उपलब्ध गराइदिन मन्त्रीसमक्ष लामाले अनुरोध गनुभएको छ । लामाले रोशीको बाढिपिडितहरुको पुनस्थापनाको लागि पहल गर्दिनु अनुरोध गर्नुभएको छ । वीपी राजमार्ग पुनःनिर्माण गर्नको लागि पनि लामाले मन्त्री लेखकलाइ अनुरोध गर्नुभयो । जवाफमा गृहमन्त्री लेखकले बाढिपिडितको राहतको लागि हेलिकप्टर पठाउने प्रतिबद्धता जनाउनुभयो । अवलोकन गर्नको लागि पुनः तत्काल आउने मन्त्री लेखकको भनाइ छ ।
अवलोकनका लागि नेपाली काङ्ग्रेसका केन्द्रिय सदस्यत्रय शिव प्रशाद हुमागाइ, मधु आचार्य, गणेश लामा, जिल्ला सभापती तथा बागमती प्रदेशसभा सदस्य तिर्थ लामा, जिल्ला समन्वय समिती काभ्रेका प्रमुख दिपक गौतम, नेपाली काङ्ग्रेस जिल्ला सचिव गुणराज मुक्तान लगायतको उपस्तिथि रहेको थियो ।
