काभ्रे,
लोकतान्त्रिक आदिवासी जनजाति महासंघले रोशी गाउँपालिकालाई ५ लाख सहयोग गरेको छ । हिजो (सोमबार) रोशी गाउँपालिका ७ र नमोबुद्ध नगरपालिकाको सिमाना चौकीडाडामा महासंघका अध्यक्ष ओम घर्ति मगरको टोलीले गाउँपालिका अध्यक्ष दिनेश लामाको टोलीलाई सहयोग रकम हस्तान्तरण गरेका हुन । महासंघले गाउँपालिकालाई पाँच लाख पाँच हजार पाँच सय पचपन्न रुपियाँको चेक हस्तान्तरण गरेको हो । चेक हस्तान्तरण गर्दै महासंघका अध्यक्ष घर्ति मगरले रोशीको दुखाइमा केही भएपनी मल्हम लगाउने कोशिस गरेको बताउनुभयो । गाउँपालिका अध्यक्ष लामाले रकम सहयोग गर्ने महासंघलाई धन्यवाद व्यक्त गर्नुभएको छ । गाउँपालिकाले बाढिले रोशीलाई क्षतविक्षत बनाएकोले सहयोगको लागि सबैलाइ अनुरोध गरेको छ ।
उक्त सहयोग हस्तान्तरण कार्यक्रममा पूर्व साङ्सद तथा नेपाली काङ्ग्रेसका केन्द्रिय सदस्य शिव प्रसाद हुमागाइ, केन्द्रिय सदस्य मधु आचार्य, गणेश लामा, बागमती प्रदेशका खानेपानी, उर्जा तथा सिचाइ पूर्वमन्त्री तिर्थ लामा, योजना आयोगका सदस्य गुणराज मुक्तान, नमोबुद्ध नगरपालिकाका मेयर कुन्साङ लामा लगायतको उपस्थिति रहेको थियो ।
