काभ्रे,रेडियो रोशी,
काभ्रे जिल्लाको नमोबुद्द नगरपालिका आज कार्तिक २ गतेबाट बालबालिकालाई भिटामिन ए क्याप्सुल र जुकाको औषधि खुवाउने कार्यक्रम सुरु भएको छ । राष्ट्रिय पोषण कार्यक्रम अन्तर्गत नगरपालिकामा आज र भोलि २ दिन गरेर बालबालिकालाई औषधि खुवाउन सुरु भएको हो ।
नगरपालिका भित्रका ६ महिना देखि ५ बर्ष सम्मका सबै बालबालिकालाई ८२ जना महिला सामुदायिक स्वास्थ्य स्वयंसेविकाले भिटामिन ए तथा १ बर्ष देखि ५ बर्ष सम्मका सबै बालबालिकाहरुलाई जुकाको औषधि खुवाउने कार्यक्रम रहेको छ ।
आज र भोलि औषधि खुवाउन छुटेका बालबालिकाहरुलाई ५ दिन सम्म घरघरमै पुगेर भिटामिन ए क्याप्सुल र जुकाको औषधि खुवाईने छ ।
जसअन्तर्गत १,७५४ जनालाई भिटामिन ए र १,५६५ जनालाई जुकाको गरी ३,३१९ जना बालबालिकाहरुलाई भिटामिन ए क्याप्सुल र जुकाको औषधि खुवाउने लक्ष्य रहेको नमोबुद्ध नगरपालिका स्वास्थ्य शाखा प्रमुख सुनिल केसिले जानकारि दिनुभयो । साथै १५ महिनासम्म नियमित लगाउनुपर्ने खोप छुटेको खण्डमा ५ वर्ष मुनिका बालबालिकाहरुलाई नजिकैको स्वास्थ्य संस्थामा गई खोप पूर्ण गराउनुहुन अनुरोध गरिएको छ ।
