काभे,
नमोबुद्ध नगरपालिकाको वडा नं.१ पूर्ण खोप सुनिश्चितता वडा घोषणा भएको छ । आज श्यामपाटी सिमलचौर स्वास्थ्य चौकी र मथुरापाटी फुलबारी स्वास्थ्य चौकिले आयोजना गरेको कार्यक्रममा नमोबुद्ध नगरपालिकाको वडा नं १ लाई पूर्ण खोप घोषणा गरिएको हो। कार्यक्रममा वडा खोप समन्वय समिती अध्यक्ष प्रेम बहादुर तामाङले वडालाई पूर्ण खोप सुनिश्चितता घोषणा गर्नुभएको थियो । वडामा रहेका १६ देखि ५९ महिना सम्मका वालवालिकाले सबै प्रकारका खोप लाएको सुनिश्चितता भएपछि वडालाई पूर्ण खोप सुनिश्चितता घोषणा गरिएको हो।
कार्यक्रममा सुनिल केसिले वडा अध्यक्ष तथा स्वास्थ्य चौकी व्यवस्थापन समितिका अध्यक्ष खोप समन्वय समिती अध्यक्ष प्रेम बहादुर तामाङलाई पूर्ण खोपको प्रस्ताव पेश गर्नुभएको थियो । कार्यक्रममा प्रमुख प्रशासकीय अधिकृत कृष्ण गिरि ,स्वास्थ्य व्यवस्थापन समिती , स्वास्थ्य शाखा प्रमुख ,महिला सामुदायिक स्वास्थ्य स्वयंसेविका लगायतले मन्तव्य राखेका थिए ।
