काभ्रे,रेडियो रोशी,
नमोबुद्ध नगरपालिकाको भकुण्डेबेशीमा पहिलोपटक नृत्य कक्षा सञ्चालनमा आएको छ । बनेपा नगरपालिका वडा नं १० मा मुख्य कार्यालय रहेको उर्रा डान्स एण्ड थेटरको आज एक कार्यक्रम आयोजना गरेर भकुण्डेबेशीको माथिल्लो चोकको सामुदायिक सहकारी भएको घरमा शाखा कार्यालय समुद्घाटन गरीएको हो । ‘कला र सस्कृतिको जगेर्ना हाम्रो चाहाना’ भन्ने मुल नाराका साथ कक्षा सञ्चालन गरिएको हो ।
नेपाली लोक नृत्यहरुको संरक्षण गर्न तथा बालबालिकाहरुलाई नृत्य कलामा निखारेर बिभिन्न राष्ट्रिय अन्तराष्ट्रिय मञ्चमा पु¥याउने र राम्रो कलाकार उत्पादन गर्ने उदेश्यले नृत्य कक्षा सञ्चालन गरिएको सञ्चालक एवम बरिस्ठ जुम्बा, डान्सर इश्वर थापाले बताउनुभयो । बिहान ६ देखि ९ बजेसम्म र अपराह्न ४ः३० देखी राती ८ बजेसम्म कक्षा सञ्चालक तथा बरिस्ठ जुम्बा, डान्सर इश्वर थापा र अनुभवी डान्सर रन्जिना श्रेष्ठबाट नृत्य सिकाईने उहाँले जानकारी दिनुभयो । कक्षामा सहभागी हुन मासिक एक हजार (१,०००) रुपैया शुल्क तोकिएको छ । आज पहिलो दिन ८ जनाले नाम दर्ता गराएको उहाँले जानकारी दिनुभयो ।
समुद्घाटन कार्यक्रममा डान्स डाईरेक्टर एसोसिएसन नेपालका केन्द्रिय सदस्य मोहन तौजले, डान्स डाईरेक्टर एसोसिएसन काभ्रेका अध्यक्ष अमर किसोर चन्द, नमोबुद्ध नगरपालिकाका कार्यसमिति सदस्य स्याम गोपाल श्रेष्ठ, जनक मा.विका प्रशासनिक अधिकृत हरिहर अधिकारी, जनक मा.वि का शिक्षक राजु काफ्ले (बयलघारी) लगायत स्थानीयहरुको सहभागिता रहेको कक्षा सञ्चालक इश्वर थापाले जानकारी दिनुभयो ।
