काभ्रे, रेडियो रोशी,
काभ्रे जिल्लाको रोशी गाउँपालिका वडा नं.७ कटुञ्जेवेशीमा ३ दिने निःशुल्क दन्त शिविरको शुभारम्भ भएको छ । आज संविधानसभा सदस्य, नेपाली कांग्रेस काभ्रे जिल्ला सभापति एवं पूर्व मन्त्री तीर्थ लामाको प्रमुख आतिथ्यता तथा रोशी गाउँपालिका अध्यक्ष दिनेस लामाको बिशेष आतिथ्यतामा सिविरको शुभारम्भ गरीएको हो । युनिभर्सल डेण्टल हस्पिटल स्युचाटार कलंकीको आयोजना तथा रोशी गाउँपालिकाको समन्वयनमा निःशुल्क ३ दिने दन्त शिविरको आयोजना गरीएको हो ।
शिविरको उद्घाटन गर्नुहुदै प्रमुख अतिथि लामाले प्राकृतिक बिपत्तिको सामना गरिरहेको रोशी गाउँपालिकाका नागरिकहरुको स्वास्थ्यलाई मध्यनजर गर्दै निःशुल्क शिविरको आयोजना गरेकोमा युनिभर्सल डेण्टल हस्पिटलका सन्चालक राजेन्द्र लामाप्रति आभार ब्यक्त गर्नुभयो । शिविरमा सहभागी भै सेवा लिन अनुरोध गर्नुहुदै सिविर सफलताको कामना गर्नुभएको छ ।
त्यसैगरी रोशी गाउँपालिकाका अध्यक्ष दिनेश लामाले रोशीका नागरिकहरुको स्वास्थ्यलाई उच्च प्राथमिकतामा राखेको बताउनुहुदै विभिन्न समयमा निःशुल्क स्वास्थ्य सिविरहरुको आयोजना गरिरहेको बताउनुभयो । आगामि दिनहरुमा पनि हस्पिटलले पालिका भित्रका बिभिन्न स्थानमा निःशुल्क स्वास्थ्य सिविर सञ्चालन गर्नेमा बिस्वास ब्यक्त गर्नुभयो ।
गाउँपालिका उपाध्यक्ष मिमबहादुर वाइबाले मानव स्वास्थ्यको क्षेत्रमा दन्त शिविरले पनि महत्वपूर्ण भुमिका खेल्ने बताउनुहुदै यो निः शुल्क शिविरमा सहभागि भै लाभ लिन आग्रह गर्नुभयो ।
शिविरको शुभारम्भ भएको आज पहिलो दिन २८५ जना नागरिकहरु प्रत्यक्ष रुपमा लाभान्वित बनेको युनिभर्सल डेण्टल हस्पिटलका सन्चालक राजेन्द्र लामाले रेडियो रोशीलाई जानकारी दिनुभयो । आज भएको सिविरमा १४० जनाको दाँत निकालिएको, ७० जनामा दाँत हाालिएको र ७५ जनाको दाँतमा सिमेन्ट भरेको उहाँले बताउनुभयो ।
शिविरमा निःशुल्क दाँत तथा गिजा चेक जाँच, निःशुल्क दाँत निकाल्ने, निःशुल्क दाँतमा सिमेन्ट भर्ने, दाँत राख्ने सेवा तथा आवस्यकता अनुसार औषधी समेत वितरण गरीने हुँदा मौकाको फाईदा उठाउनुहुन गाउँपालिकाले सम्पुर्णमा अनुरोध गरेको छ । शिविर पर्सी ६ गतेसम्म कटुञ्जेवेशीको प्रगतिकिरण ईङ्लिस बार्डिङ स्कुलमा विहान ९ बजे देखी ५ बजेसम्म हुने सञ्चालन हुने छ ।
शिविरको शुभारम्भ कार्यक्रममा गाउँपालिकाका प्रमुख प्रशासकीय अधिकृत शिव प्रसाद भन्तना, गाउँपालिकाका प्रवक्ता तथा वडा न १२ का वडाध्यक्ष वसन्त कुमार तामाङ, बिभिन्न वडाका वडा अध्यक्षहरु, युवा व्यवसायी दुधराज घलान, पत्रकारहरु लगायतको सहभागिता रहेको थियो ।
