काभ्रे,
काठमाण्डौको जडिबुटीमा रोकिराखेको बसमा स्कुटर ठोक्किँदा काभ्रेका एक सहित दुईको मृत्यु भएको छ । ज्यान गुमाउनेमा स्कुटरमा सवार दुई जना रहेका जिल्ला प्रहरी परिसर काठमाण्डौका प्रवक्ता अपिलराज बोहोराले जानकारी दिनुभयो । दुर्घटनामा काभ्रेको पाँचखाल–२ होक्से घर भएका २३ वर्षका नितेश नेपाल र स्कुटर चालक पश्चिम नवलपरासीको सुनवल नगरपालिका १ घर भई हाल भक्तपुरको लोकन्थली बस्ने २२ वर्षीय शिरीष पौडेलको मृत्यु भएको हो । उनीहरूको उपचारको क्रममा राष्ट्रिय ट्रमा सेन्टर काठमाडौंमा मृत्यु भएको प्रहरीले जनाएको छ ।
आज बिहान करिब पौने तीन बजेतिर जडीबुटीको आकासे पुल नजिकै रोकिराखेको बागमती प्रदेश ०१–००६ ख ४२४३ नम्बरको बसमा कोटेश्वरबाट जडीबुटीतर्फ जाँदै गरेको लु ४३ प ४९३८ नम्बरको स्कुटर ठोक्किएर दुर्घटना भएको थियो । बस चालक प्रहरी नियन्त्रणमा छन् ।