काभ्रे,रेडियो रोशी,
नमोबुद्ध नगरपालिकाको वडा नं ७ ‘बालमैत्री वडा’ घोषणा भएको छ । हिजो बिहिबार जिल्ला समन्य समिति प्रमुुख एवं जिल्ला बालमैत्री अनुुगमन समितिका संयोजक दिपक कुमार गौतमको प्रमुुख आतिथ्यता, नगर बाल अधिकार समितिका अध्यक्ष एवम् नगर उप–प्रमुुख रत्न बहादुुर लामाको विशेष आतिथ्यता तथा वडा बालमैत्री समितिका अध्यक्ष एवम् वडा नं. ७ का वडाध्यक्ष धर्म सिं लामाको अध्यक्षतामा बालमैत्री वडा घेषणा गरिएको हो ।
“बालबालिकामा लगानी, सुनौलो विहानी” भन्ने नारालाई साकार पार्ने अभियानमा रहेको नगरपालिकाले यसअघि बिभिन्न समयमा वडा नं १, ८ र ११ लाई बालमैत्री वडा घोषणा गरीसकेको छ । ११ वटा वडा रहेको नमोबुद्धमा वडा नं ७ बालमैत्री घोषणा हुने नमोबुद्धको चौथो वडा हो ।
बालमैत्री वडा घोषणाका लागि आवश्यक ५१ वटा सूचक पूरा गरेपछि जिल्ला समन्वय समिति प्रमुख एवं बालमैत्री जिल्ला समितिका संयोजकको टोलीले अनुुगमन गरेर मिति २०८३ जेष्ठ ५ गते वडा घोषणा अनुुमति दिएसँगै नमोवुद्ध नगरपालिका वडा नं ७ लाई बालमैत्री घोषणा गरिएको हो । बालमैत्री वडा घोषणा गर्दै वडा अध्यक्ष श्री धर्म सिं लामालाई जिल्ला समन्वय प्रमुखले प्रमाण पत्र प्रदान गर्नुभएको थियो ।
कार्यक्रमका प्रमुख अतिथि जिसस प्रमुख गौतमले नमोवुद्ध नगरपालिकाले वडाहरुलाई क्रमशः बालमैत्री वडा घोषणा गर्दै गएकोमा खुसी व्यक्त गर्नुहुर्दैै यो निरन्तर प्रक्रियामा सबै सरोकारवालाहरु लाग्नुु पर्ने धारणा राख्नुभयो ।
बालअधिकार समितिका संयोजक एवं नगर उप प्रमुख रत्न बहादुुर लामाले सबै वडाहरुलाई बालमैत्री बनाउने प्रतिवद्धता जनाउनुभयो ।
प्रमुख प्रशासकीय अधिकृत कृष्ण गिरीले नगरपालिकाका सबै वडा बालमैत्री बनाउँन प्राविधिक कार्यका लागि आफुु सधै सकात्मक रहेको र अन्य वडामा पनि यसैगरी वडा घोषण गर्दै जाने बताउनुभयो ।
वडा अध्यक्षहरुको तर्फबाट वडा नं १० का वडा अध्यक्ष श्री रामकृष्ण उपाध्यायले नगरलाई पुर्णरुपमा बालमैत्री बनाउनको लागि सबैजना लागि परेको बताउनुहुदै आगमी वर्षमापनि क्रमशः बालमैत्री वडा घोषणा हुने बताउनुभयो ।
महिला बालबालिका शाखा प्रमुख तारा सुनुवारले बालमैत्री घाषणा पूूर्वका विभिन्न चरणहरु पार गर्नु पर्नेमा सबै चरण पार गरिसकेको र नमोवुद्ध नगरका सम्पुर्ण वडाहरु घोषणाको चरणमा पुगेको जानकारी दिनुभयो ।
