काभ्रे,रेडियो रोशी,
तेमाल गाउँपालिका अध्यक्ष चन्द्र लामाले आगलागीबाट पूर्णरूपमा क्षति ब्यहोरेका तेमाल–२ का आसमान तामाङलाई तत्कालै राहत व्यवस्थापन गर्ने प्रतिबद्धता जनाउनुभएकोे छ । हिजो साँझ करिव ६ बजेको समयमा अचानक विद्युत लाईन सर्ट भई तेमाल गाउँपालिका वडा नं २ फुलडाँडा स्थित आसमान तामाङको घर आगलागीबाट पूर्णरूपमा क्षति भएको थियो । आगलागीबाट मानवीय क्षति भने भएको छैन । घरमा रहेको अन्नपात, लत्ताकपडा एवम् घर पूर्णरूपमा जलेर क्षति भएको छ । आगलागीको सुचना पाउनसाथ पचुवारघाट प्रहरि चौकिका प्रहरिहरु तथा स्थानियहरुले आगलागी नियन्त्रणमा लिएका थिए ।
आज गाउँपालिका अध्यक्ष लामाले आगलागीको निरीक्षण तथा अनुगमन गर्दै पिडित तामाङलाई तत्कालै राहतको व्यवस्थापन गर्ने प्रतिबद्धता जनाउनुभएको छ । रेडियो रोशीसँग कुरा गर्दै अध्यक्ष लामाले पूर्णरूपमा क्षति ब्यहोरेका तामाङको परिवारलाई तत्कालका लागि खाद्यान्न, लत्ताकपडा, ओड्ने ओछ्याउनेको ब्यवस्था मिलाउने बताउनुभयो । तामाङलाई बासको लागि अन्यन्त्रै ब्यवस्था मिलाउने तयारी भैरहेको उँहाले बताउनुभयो ।
