काभ्रे,
सरकारले पेट्रोलियम पदार्थको भाउ घटाएको छ । आजदेखि लागु हुने गरी नेपाल आयल निगमले पेट्रोल र डिजेल, मट्टीतेलको भाउ घटाएको हो । निगमले हिजो साँझ एक विज्ञप्ति जारी गरी पेट्रोल, डिजेल तथा मट्टीतेल लिटरमा तीन÷तीन रूपैयाँ घटाएको जानकारी दिएको हो ।
भारतीय आयल कर्पोरेसन (आइओसी) ले पठाएको मूल्यसूचीअनुसार निगमले नयाँ भाउ तोकेको हो । निगमकाअनुसार आइओसीले पेट्रोलमा प्रति लिटर ३ रूपैयाँ ७ पैसा र डिजेलमा ३ रूपैयाँ १६ पैसा घटाएर नयाँ मूल्यसूची पठाएको छ । खाना पकाउने ग्यासको भाउ भने यथावत छ । निगमले तय गरेको नयाँ मूल्य देशभरका विभिन्न ठाउँअनुसार लागु हुनेछ ।
