काभ्रे,
उद्यम, उद्यमी र रोजगारीलाई श्रमिकसँग जोड्न रेडियोले महत्त्वपूर्ण भूमिका निर्वाह गरिरहेको सरोकारवालाले बताएका छन् । सीप सिकेर अवसरको खोजी गर्ने मात्र नभइ सामुदायिक रेडियोले स्वरोजगार बन्न पनि अभिप्रेरणामूलक सामग्री उत्पादन र प्रसारण गरिरहेका छन् । सामुदायिक रेडियोले स्थानीय स्वादका सुचना मात्र नभएर श्रम र रोजगारीसँग सम्बन्धित जानकारीमुलक सूचना र सन्देश प्रवाह गरिरहेका छन् ।
श्रमलाई रोजगारीसम्म र रोजगारीलाई श्रमिकसँग जोडेर उद्यमको विकास गरी रोजगारी सिर्जना गर्ने बाटोमा सामुदायिक रेडियोहरू क्रियाशिल छन् । रेडियोले सिप र कामका कुरासँगै अवसर र आम्दानिका कुरालाई महत्त्वका साथ उठाउने गरेको काभ्रे पनौती नगरपालिकाका सन्तोषकुमार राउतले बताउनुभयो । त्यसैगरी रेडियो आम नागरिकको सहज पहुँचमा रहेकाले रोजगारीका नाममा हुने ठगी नियन्त्रण गर्नमा पनि विशेष अभियान सञ्चालन गर्नुपर्ने धनुषाका निजाम अन्सारीले सुझाव दिनुभयो ।
