काभ्रे,
नमोबुद्ध नगरपालिकाको बालकक्षा शिक्षकहरुलाई ७ दिने तालिम आजबाट सुभारम्भ भएको छ । नमोबुद्ध नगरपालिकाका सहयोग तथा नाङ्शाल एशोसियसन नेपालको आयोजनामा आज नमोबुद्धका बालकक्षा शिक्षकहरुलाई ७ दिने तालिम सुरु भएको हो । प्रारम्भिक साक्षरता र गणित कार्यक्रम अन्तर्गतको सीप छनौट भएका १० ओटा विद्यालयका बालकक्षा शिक्षकहरुलाई उक्त तालिम प्रदान गर्न लागिएको नमोबुद्ध नगरपालिकाको प्राविधिक सहायक विरेन्द्र साउदले जानकारी दिनुभयो । तालिमको उद्घाटन शत्रको प्रमुख अतिथि नमोबुद्ध नगरपालिकाको शिक्षा शाखा प्रमुख बुद्धिराज अर्यालले नगरका विद्यालयहरुको जगलाई बलियो बनाई, शैक्षिक क्षेत्रमा उत्कृष्ट बनाउने उदेश्यले उक्त तालिम आयोजना गरिएको बताउनुभयो ।
संस्थाले तालिम प्रदान गर्ने मात्र नभई विद्यालयमा शैक्षिक सामग्री उपलब्ध गराउने, सिकाई क्षेत्रको व्यवस्थापन गर्ने, समय समयमा निरीक्षण, मूल्यांकन तथा पृष्ठपोषण प्रदान गरी उपलब्धिमूलक ढंगले संचालन गर्ने बताउनुभयो । उद्घाटन शत्रमा लेखा शाखा प्रमुख विमल आचार्य, रोजगार संयोजक अमृत खनाल, प्रधानाध्यापकहरु विनोद अधिकारी, लक्ष्मी अधिकारी, नवीन अधिकारी, शितल दाहाल, तुलसा घिमिरे, गोविन्द चिमौरिया, दिनेश अधिकारी, स. प्र.अ. यन्त्र प्रसाद खनाल तथा बालकक्षा शिक्षकहरुको उपस्थिति रहेको प्राविधिक सहायक विरेन्द्र साउदले जानकारी दिनुभयो ।
