काभ्रे,
रोशी गाउँपालिका वडा नम्बर ७ कटुन्जेवेशीमा आज रेविज रोग विरुद्ध जनचेतना मूलक कार्यक्रम सञ्चालन भएको छ । शेयर द मेसेज सेभ द लाईफ भन्ने मूल नाराका साथमा उक्त अभियान सञ्चालन भएको हो । रोशी माध्यमिक विद्यालय र कटुन्जेवेशी परिसरमा उक्त अभियान सञ्चालन भएको हो । यस अघि रोशी ९ रजबासमा रेविजको संक्रमण देखिएको थियो । उक्त समयमा रोशी गाउँपालिकाको पशु सेवा शाखा तथा स्वास्थ्य सेवा शाखा मार्फत रेविज लागेका जनावरहरुलाई व्यवस्थापन गर्दै संकास्पद जनावरहरुलाई उपचार तथा रेविज विरुद्धको खोप लगाइको थियो । अभियानमा रोशी गाउँपलिका अध्यक्ष दिनेश लामा, उपाध्यक्ष मिम बहादुर वाईवा, प्रमुख प्रशासकिय अधिकृत राम बहादुर तामां, वडा अध्यक्ष अशोक गौतम, स्वास्थ्य शाखा प्रमुख गंगालाल श्रेष्ठ, प्रहरी प्रतिनिधि तथा सुरक्षा कर्मी, कर्मचारीहरु, विद्यालयका शिक्षक तथा विद्यार्थीहरुको उपस्थिति रहेको थियो ।
