काभ्रे,
काभ्रे उद्योग वाणिज्य संघको ४२ औं अधिवेशन तथा साधारणसभा आज हुँदैछ । विहान १० बजे पछि सुरु हुने अधिवेशनको उद्योग वाणिज्य तथा आपुर्ती मन्त्री दामोदर भण्डारीले उद्घाटन गर्नुहुनेछ । आज हुन लागेको अधिवेशनबाट ३५ सदस्यीय निर्वाचित हुनेछन् । काभ्रे उद्योग वाणिज्य संघको अध्यक्षका लागि तीन जनाको उम्मेदवारी परेको छ । संघ निर्वाचनका लागि प्रताव वैद्य र राजन मानन्धर अध्यक्षको प्रत्यासी सहित छुट्टा छुट्टै प्यानल घोषणा भएको छ । वसन्त नारायण भोछिभोयाले पनि अध्यक्ष पदका लागि उम्मेदवारी घोषणा गर्नुभएको छ ।
अध्यक्ष पदका उम्मेदवार वसन्तनारायण भोछिभोयाले ‘एक्लै’ उम्मेदवारी दिनुभएको हो । अघिल्लो अघिवेशनमा अध्यक्षका प्रत्यासी रहनुभएका भोछिभोयाले यो पटक प्यानल निर्माण नगरी अध्यक्ष पदमा पुन दाबेदारी प्रस्तुत गर्नुभएको हो । आज नै मतदान हुनेछ । निर्वाचन समितिले जारी गरेको तालिका अनुसार दिउँसो १ बजेबाट मतदान प्रक्रिया सुरु हुनेछ ।
