काभ्रे,
विगत लामो समयदेखि राजधानी पूर्वका जिल्लामा यातायात सेवा दिँदै आइरहेको पूर्व अरनिको यातायात प्रा.लि ले काभ्रेका ३ वटा पम्पमा तेल नहाल्न आफ्ना प्रा.लिमा रहेको बसहरुलाई निर्देशन दिएको छ । जिल्लाको चामुण्डा आयल स्टोर काफ्लेटी, पाँचकुमारी आयल स्टोर २८ किलो र उग्रचण्डी आयल स्टोर बुडोल बनेपाको पम्पमा तेल नहाल्न प्रा.लिले भनेको छ । ती तीन वटा पेट्रोल पम्पले कथित प्रतिस्पर्धाको नाममा प्रतिद्वन्दी कम्पनीका बसहरुलाई उधारोमा तेल हालेर प्रोत्साहित गर्दै यस प्रा.लिलाई (अप्ठ्यारो) निरुत्साहित पार्ने कार्य गरेको समितिका सदस्य सचिब प्रभुराम थापाले जारी गरेको सूचनामा भनिएको छ ।
कात्तिक ३० गते प्रा.लिका अध्यक्ष केदार खत्री क्षेत्रीको अध्यक्षतामा बसेको पदाधिकारी एवं सदस्यहरुको बैठकले यस्तो निर्णय गरेको हो । प्रा.लिले भोलीदेखि लागु हुनेगरि छुट्याईएर चलाईएको पलापु क्युलाई घोराखोरी तर्फका सुपरहरुबाट नियमित क्यु सकिएपछी क्यु खानेगरि घोलेर चलाउने र उक्त क्यु लिने गाडीहरुलाई प्रति ट्रिप १०० लि. डिजेल प्रा.लिबाट हालिदिने निर्णय गरेको छ ।
