काभ्रे,
काठमाडौंको शंखरापुरमा श्रीमतीको हत्या गरेर फरार बनेका रामेछापका पदम बहादुर तामाङ पक्राउ परेका छन् । पक्राउ परेका तामाङले आइतबार राति खुकुरी प्रहार गरी ४५ वर्षीया श्रीमती पुतली तामाङको हत्या गरेर फरार भएका थिए । उनले १० वर्षीया छोरी सन्जिता र ११ वर्षीय छोरा रिदम माथि पनि खुकुरी प्रहार गरेका थिए । खुकुरी प्रहारबाट उनीहरुको हात–खुट्टामा गहिरो चोट लागेको छ । रिदम र संजिताको उपचारका लागि नेपाल मेडिकल कलेज पठाइएको थियो। थप उपचारका लागि त्यहाँबाट ट्रमा सेन्टर पठाइएको थियो। यस बिषयमा थप अनुसन्धान भैरहेको प्रहरिले जनाएको छ ।
