काभ्रेको महाभारत गाउँपालिकाका गंगालाल योन्जनको मलेसियामा मृत्यु

काभ्रे
वैदेशिक रोजगारीका सिलसिलामा मलेसियामा रहेका काभ्रेका एकजनाको गएराति मृत्यु भएको छ। मृत्यु हुनेमा जिल्लाको महाभारत गाउँपालिका–१ गोकुले,धापका गंगालाल योन्जन रहेका छन्।मलेसियाको पेनाङको झाई हाप हेंग ट्रेडिंग एसडीएन. बिएचडी. कम्पनीमा कार्यरत योन्जन राति सुतेकै ठाउँमा मृत्यु भेटिएको हो ।अचानक मृत्यु भएकोले कुन कारणले कसरी मृत्यु भएकोबारे यकिन हुन नसकेको योन्जनका पारिवारिका स्रोतले जनाएको छ।योन्जनका परिवारले मृतकको शव नेपाल ल्याइदिनका लागि नेपाल सरकार, मलेसियास्थित नेपाली दूतावास तथा सम्बन्धित विभिन्न निकायलाई आग्रह गरिएको छ।आठ वर्ष अगाडि योन्जन टाइसन मेनपावरबाट रोजगारीको सिलसिलामा मलेसिया गएको थियो।