काभ्रे,
काभ्रे कांग्रेसले प्रतिनिधि तथा प्रदेश सभा निर्वाचनमा पार्टिलाई असहयोग गर्ने नेताहरुलाई पार्टीमा कुनै पनि जिम्मेवारी नरहने गरि कारबाही गरेको छ । आफ्नै पार्टीका साथीहरूलाई निर्वाचनमा हराउनकालागि लागि पर्ने नेपाली काङ्ग्रेसका केन्द्रिय सदस्यहरु र प्रतिनिधि सभा सभापतिलाई नेपाली कांग्रेस पार्टीमा कुनै पनि जिम्मेवारी नरहने गरि कारबाही गरिएको काभ्रे काङ्ग्रेसले जनाएको छ । पार्टी भित्रैका नेताका कारण कांग्रेसले हार्नु परेको कांग्रेसीहरुको बुझाइ थियो । निर्वाचन पश्चात् पार्टीलाई हराउने नेता तथा कार्यकर्ताहरुलाइ कारबाही हुनुपर्ने भन्दै कांग्रेस भित्रै बाट आवाज उठिरहेको थियो । आम निर्वाचनमा काभ्रे प्रतिनिधि सभा क्षेत्र न २ मा नेपाली कांग्रेसका उम्मेदवार शिव प्रसाद हुमागाईले हार ब्यहोरेपछी नेपाली कांग्रेस पार्टी भित्र चौतर्फी बिरोध भइरहेको थियो ।
आज कांग्रेसको पार्टी कार्यालयमा बसेको बैठकले केन्द्रिय सदस्यहरु मधु प्रसाद आचार्य र गणेश लामालाई कांग्रेस पार्टीको जिम्मेवारी बाट अलग हुनेगरि कारबाही गरिएको निर्णय गरेको छ । त्यस्तै काभ्रे कांग्रेसले प्रतिनिधि सभा क्षेत्र न २ का सभापति महेश खरेललाई पनि निर्वाचनमा असहयोग गरेको भन्दै नेपाली कांग्रेस पार्टीको कुनैपनी जिम्मेवारीमा नराख्ने गरि कारबाही गरेको छ ।
त्यस्तैगरि, प्रतिनिधि सभा र प्रदेश सभा निर्वाचनमा काभ्रे क्षेत्र न २ प्रदेश सभा ख बाट उम्मेदवार भै निर्वाचित नेपाली कांग्रेस बागमती प्रदेशका महामन्त्री कंचनचन्द्र बादे र बनेपा नगर कार्यसमिति सभापति महेश कर्माचार्यलाई निर्वाचनमा प्रतिनिधि सभालाई भन्दा प्रदेश सभाको उम्मेदवारलाई किन र के कारणले मत बढी आयो ? सो बारेमा स्पष्टीकरण सोध्ने पनि काभ्रे कांग्रेसले आज निर्णय गरेको छ ।
