काभ्रे,
चौकीडाँडा खहरेपाँगु सडक निर्माण तथा स्तरोन्नतीको शिलान्यास भएको छ । बाग्मती प्रदेश सरकारको खानेपानी, ऊर्जा तथा सिंचाई मन्त्री तिर्थ लामा , संघिय सांसद सूर्यमान दोङ तथा रोशी गाउँपालिका अध्यक्ष दिनेश लामाद्धारा संयुक्त रुपमा चौकी डाँडा खहरेपाँगु सडक निर्माण तथा स्तरोन्नतीको शिलान्यास गरीएको होे । शिलान्यास कार्यक्रम समारोहमा मन्त्री तिर्थ लामाले “हिजोका दिनमा यस सडक खण्डको स्तरोन्नतीको निम्ति संघिय मान्य ज्यू र मैले धेरै ठाउँमा बोल्दै आएका थियौ, यो बाटोको आज प्रारम्भ भएको छ । हामी दुईजना मिलेर अबको ३ वर्षभित्र पिच गर्ने हाम्रो दायित्व रहेको छ । त्यति मात्र नभइ पोडाखोलाको पुल, सानीखोलाको पुल र अधेरि खोलाको पुल तत्कालै बनाउनु पर्ने हाम्रो जिम्मेवारी रहेको छ । यि पुलहरुको डि.पि.आर. लगभग सकिसकेको छ । यसको निर्माणको लागि संघमा जेठको १५ भित्र बजेट भाषण हुन्छ, त्यसको केहि दिनपछि बजेट पर्यो परेन थाहा हुन्छ ,यदि केही गरी परेन भने त्यसको दोस्रो अप्सन प्रदेशमा हुन्छ तसर्थ तपाईहरु ढुक्क हुनुस हामी विकास गर्नेर्छौ”भन्नुभयो ।
त्यसैगरी संघीय सांसद सूर्यमान दोङले योजना आयोगमा चौकीडाँडा खहरेपागु सडकको निम्ति विशेष प्राथमिकतामा राखेर प्रस्ताव पेश गरेको बताउनुभयो । आम रोशीवासीको यो कामना पूरा हुनेछ भन्ने अपेक्षा पनि राखेको बताउनुभयो । साथै अन्य सडक खण्डलाई पनि प्राथमिकताका साथ राखेर विकास निर्माणका कार्यमा अगाडि बड्ने प्रतिवद्धता व्यक्त गर्नुभएको छ ।
त्यसैगरी रोशी गाउँपालिका अध्यक्ष दिनेश लामाले २०७४ साल देखिकै महत्वका साथ अगाडि बढाईरहेको चौकीडाँडा खहरेपाँगु सडक यो गाउँपालिकाको गौरवको योजना भएको भएको बताउनुभयो । पाँचवर्षको सरकारले धेरै पहलकदमी गरेर यस सडकको ट्रयाक खहरे पाँगुसम्म पुगिसकेको र अहिले प्राथमिकतामा राखेर अवको ३ वर्षभित्र कालोपत्रे गर्ने गरी गाउँपालिकाको गौरवको योजनाभित्र समावेश गरेको बताउनुभयो । रोशी गाउँपालिका ५, जल्किनी लुर्पुङवेशी खण्डको उक्त सडक निर्माणको लागि जोशीजि. कन्ट्रक्सन प्रा.लि. सँग २ करोड १५ लाख ८ हजार ९ सय ९५ लागतमा सम्झौता भएको छ ।
