काभ्रे,
सहायक प्रमुख जिल्ला अधिकारी एवं जिल्ला अनुगमन समितिका संयोजक अमर दिप सुनुवारको नेतृत्वमा पुगेको टोलीले बनेपा नगरपालिकाभित्रका विभिन्न राँगा र भैसी काट्ने ठाउँको अनुगमन गर्नुभएको छ । बनेपा नगरपालिकाका उपप्रमुख विमला शर्मा समेतको उपस्थितिमा राँगा भैसी काट्ने ठाउँको अनुगमन गरिएको हो ।
अनुगमनको क्रममा कुनै पनि मापदण्ड पालना गरेको नपाइएको समितिको ठहर छ । अनुगमन गर्दा जथाभावी राँगा भैसी काट्ने, फोहोरको उचित ब्यवस्थापन नगरेको, राँगा र भैसीलाई राख्ने ठाउँ ब्यवस्थित नभएको पाइएको छ । मासु काट्ने ठाउँ अत्याधिक फोहोर देखिएपछि अनुगमन समितिले ब्यापारीहरुलाई सचेत समेत गराएको छ ।
