काभ्रे,
काभ्रे जिल्लाको तेमाल गाउँपालिकामा संचालित निःशुल्क अपरेशन सहितको आँखा शिविर समापन भएको छ । तेमाल गाउँपालिकाको आयोजना एवं लायन्स क्लव अफ काठमाण्डौ कन्चनञ्जंगाको प्राविधिक सहयोगमा संचालित निःशुल्क आँखा शिविरको आज गाउँपालिका उपाध्यक्ष दलमान थोकारको अध्यक्षतामा सम्पन्न भएको हो । शिविरमा ४५० जनाको आँखा परिक्षण तथा ४४ जनाको मोतिविन्दुको सफल शल्यक्रिया गरीएको छ । आँखा अस्पतालका बरिष्ठ चिकित्सकहरुद्धारा आँखाको परिक्षण तथा अपरेशन भएको थियो । शिविर यहि पुस २६ गतेदेखि २८ गतेसम्म पोखरी नारायणस्थान स्वास्थ्य चौकीमा संचालन भएको थियो ।
