काभ्रे,रेडियो रोशी,
आगलागीबाट पूर्णरूपमा क्षति ब्यहोरेका तेमाल गाउँपालिका वडा नं २ फुलडाँडाका आसमान तामाङलाई राहत सामाग्री वितरण गरीएको छ । आगलागीबाट भएको क्षतिको अनुगमन तथा निरीक्षण गरेर आज गाउँपालिका अध्यक्ष चन्द्र बहादुर लामा र वडा नं. ३ का वडा अध्यक्ष विष्णु बहादुर तामाङले आगलागी पिडित तामाङलाई राहत सामाग्री वितरण गर्नुभएको हो ।
तामाङलाई ५० किलो चामल , १५ किलो दाल , ३ वटा डस्ना , २ वटा सिरक , ३ वटा ब्ल्यान्केट, ४ वटा सिरानी, ५ किलो चिनी, एक बाकस खाने तेल र ४ किलो मसला वितरण गरीएको छ ।
सोमबार साँझ करिव ६ बजेको समयमा अचानक विद्युत लाईन सर्ट भई तामाङको घर आगलागीबाट पूर्णरूपमा क्षति भएको थियो । आगलागीबाट मानवीय क्षति भने भएको छैन । घरमा रहेको अन्नपात, लत्ताकपडा एवम् घर पूर्णरूपमा नष्ट भएको थियो । आगलागीको सुचना पाउनसाथ पचुवारघाट प्रहरि चौकिका प्रहरिहरु तथा स्थानियहरुले आगलागी नियन्त्रणमा लिएका थिए ।
