काभ्रे,
नेपाल पत्रकार महासंघ काभ्रे शाखाको नयाँ सदस्यता आवेदन खुल्ला भएको छ । शाखाको मिति २०८० वैशाख २ गते बसेको बैठकको निर्णय र नेपाल पत्रकार महासंघको विधान अनुसार नयाँ सदस्यता आवेदन खुल्ला गरिएको हो । नयाँ सदस्यता लिन चाहने १८ वर्ष उमेर पुगेको नेपाली नागरिकले वैशाख २५ गतेसम्म आवेदन दिन सकिने नेपाल पत्रकार महासंघ काभ्रे शाखाले जारि गरेको सुचनामा उल्लेख गरिएको छ ।
नेपाल पत्रकार महासंघ काभ्रे शाखाको नयाँ सदस्यताको लागि आवश्यक कागजातहरूः
१) आवेदन फारम १ (फारम नेपाल पत्रकार महासंघ काभ्रे शाखामा उपलब्ध छ)
२) नागरिकताको प्रतिलिपि – १
३) आवद्ध संचार संस्थाको नियुक्ती पत्र १
४) कार्यरत संचार संस्थाको सिफारिस पत्र – १
५) हालसालै खिचेको पासपोर्ट साइजको फोटो २
६) विगत दुई वर्षदेखि पत्रकारितामा क्रियाशील रहेको विवरण खुल्ने कागज वा समाचार प्रकाशन र प्रशारण भएको प्रमाण सहितको सामाग्री ( दलित ÷ मधेशी ÷ महिला ÷ आदिवासी जनजाती ÷ मुस्लिम र अपांगता वा अन्य पहिचान भएका व्यक्तिको हकमा पत्रकारितामा एक वर्षदेखि क्रियाशील रहेको हुनुपर्ने)
७) नेपाल सरकारद्वारा मान्यताप्राप्त शैक्षिक संस्थाबाट न्यूनतम १०+२ उत्तीर्ण शैक्षिक प्रमाण पत्रको प्रतिलिपिहरू
८) पत्रकारिता वा अरु कुनै विषयमा स्नातक उत्तीर्ण भएमा १ वर्षे अनुभव
९) आवेदन शुल्क २०००÷– (अक्षरुपी दुई हजार मात्र) आवेदन शुल्क सदस्यता स्वीकृत भएपछि मात्र लिइने छ ।
नेपाल पत्रकार महासंघको सदस्य भए पनि पत्रकारिता क्षेत्रमा क्रियाशील नरहेका, सरकारी निकाय÷ संस्थान र शिक्षण लगायतका पेशामा कार्यरत रहेका राजनीतिक दल एवं तिनीहरूका भातृ संगठनमा विभिन्न पदमा रहेका सदस्यहरूलाई त्यसको स्वघोषणा गरि सदस्यता निष्क्रिय बनाउनका लागि जानकारी दिनसमेत यसै सूचनामार्फत जानकारी गराइएको छ । अन्यथा नवीकरणको हकमा महासंघको विधान एवं सदस्यता शुद्धीकरण कार्यविधिअनुसार निर्णय गरिने सुचनामा उल्लेख गरिएको छ ।
