काभ्रे,
नेपाल रेडक्रस सोसाइटी काभ्रेको निर्वाचन यही असोज १४ गते हुने भएको छ । निर्वाचन अधिकारी रामजी प्रसाद पौडेलका अनुसार मतदान १४ गते विहान ८ः३० देखि दिउँसो १ः३० बजेसम्म हुनेछ । आज निर्वाचन अधिकारीको कार्यालयले निर्वाचन तालिका र मतदाता नामावली सार्वजनिक गरेको छ । प्रारम्भिक मतदाता विवरण अनुसार निर्वाचनमा १८२ जनाले मतदान गर्ने भएका छन् ।
२ वर्ष कार्य अवधिका लागि १ सभापति, १ महिला उपसभापति, १ खुल्ला उपसभापति, १ मन्त्री, १ कोषाध्यक्ष, १ उपमन्त्री, १ उपकोषाध्यक्ष, ३ महिला सदस्य र ७ जना खुल्ला सदस्य गरी जम्मा १७ पदका लागि निर्वाचन हुन लागेको हो ।
