काभ्रे,
नेपाल शिक्षक सघं रोशी गाउँपालिकाले नेपालीहरूको महान चाड बिजया दशमी ,शुभ–दिपावलि तथा छठ पर्वको अबसरमा शुभकामना आदान प्रदान कार्यक्रम गरेको छ । आज रोशी गाउँपालकाको सभाहल अमलटारमा आयोजित कार्यक्रममा गाउपालिका अध्यक्ष दिनेश लामाले शिक्षकहरुले सीपमुलक तथा व्यवहारिक शिक्षा दिनुपर्ने कुरामा जोड दिनुभएको छ ।
मानव जीवनमा शिक्षा एक महत्वपुर्ण अंगको रुपमा रहेको बताउदै शिक्षामा कहिलेपनि राजनिति गर्न नहुने उँहाको भनाई छ । संगसंगै उँहाले नजिकिदै गरेको नेपालीहरुको महान पर्व बिजया दशमी ,शुभ–दिपावलि तथा छठ को अवसरमा सम्पुर्ण नेपालीहरु तथा बिदेशमा रहनुहुने समस्त नेपालीजनहरुमा सुख,शान्ति,समृद्धि, शुस्वास्थ्य एवं उत्तरोत्तर प्रगतिको मङ्गलमय शुभकामना व्यक्त गर्नुभएको छ । गाउँपालिका अध्यक्ष दिनेश लामाको प्रमुख आतिथ्यता एवं प्रदेश सभा “क“ का उपसभापति रण ब. लामाको विशिष्ट अतिथ्यतामा भएको कार्यक्रममा गाउँपालिका सभापति दुधराज लामा , कोषाध्यक्ष रमेश लामा लगायत अन्य अतिथिहरूको उपस्थिति रहेको थियो ।
