काभ्रे,
आज रोशी गाउँपालिकाको सभाहलमा गाउँपालिकाको आवधिक विकास योजना तयारी वैठक सम्पन्न भएको छ । वैठकमा आवधिक योजना विकासको नीति, आवधिक योजना तर्जुमा प्रकृया, लक्ष्य, उदेश्य, रणनीति, प्राथमिकता निर्धारण सम्बन्धमा रोशी गाउँपालिकाको प्रमुख प्रशासकिय अधिकृत रामबहादुर तामाङले सहजीकरण तथा छलफल कार्यक्रम सञ्चालन गर्नुभयो ।
गाउँपालिकाको कार्यपालिकाका सदस्य तथा जनप्रतिनिधिहरु, टोल विकास समिति, सामाजिक विकास समिति, आर्थिक विकास, भौतिक पूर्वाधार विकास समिति, वनवातावरण तथा विपद् व्यवस्थापन समिति, संस्थागत विकास तथा क्षमता अभिवृद्धि समिति, पर्यटन विकास समिति, युवा तथा खेलकुद समिति लगायतका अन्य समितिहरुलाई पनि समेट्ने गरी योजना विकासका सम्बन्धमा आवश्यक परामर्श तथा तालिम प्रदान गर्ने सम्बन्धि छलफल भएको गाउँपालिकाको प्रवक्ता वसन्त तामाङले जानकारी दिनुभयो ।
वैठकमा गाउँपालिका अध्यक्ष दिनेश लामा, उपाध्यक्ष मिमबहादुर वाईवा, प्रमुख प्रशासकिय अधिकृत रामबहादुर तामाङ, प्रवक्ता वसन्त तामाङ, वडाका वडा अध्यक्षहरु, सबै शाखाका शाखा प्रमुखहरुको उपस्थिति रहेको प्रवक्ता तामाङले जानकारी दिनुभयो ।
